Salam Pax: Bagdadeko berriemailea
Irakiar ezezagun batek jarraitzaile mordo bat irabazi ditu munduan zehar, berak sortutako weblog batean kontatzen baitu, Salam Pax ezizenarekin, Bagdadeko hiritarrek nola bizi duten gerra. Eztabaida ere piztu da bazterretan, benetan herritar bat izkutatzen ote den ezizen horren atzean ala iruzurgile bat.
Reuters agentziak eman zuen haren berri. Baita MSNBC albistariak ere. Harrezkero, ospetsu bihurtu da Salam Pax Bagdadeko hiritarrak sortutako webloga.
Salamek ingelesez eta alemanez idazten du. Argi hitz egin du inbasioaren aurka, baina erakutsi du, halaber, ez duela maite Iraken gobernua. Maiz samar, bera eta bere senitartekoak kalera irteten dira, ikusteko bonben ondorioak. Gaur eguerdia baino lehen, idatzi zuen behin, kalera irten naiz neure lehengusuarekin, hiria ikusteko. Bi gauza: 1. Erasoak zehatzak dira. 2. Erasotzen ari dira jopuntu batzuk, hurbilegi daudenak Bagdadeko zibilengandik.
Larunbatean berriz, kontatu zuen nola ikusi zituen poliziak su ematen lubakietan isuritako petrolioari, bonba-hegazkinen lana oztopatze aldera.
Askok (eta apustua egingo nuke aliatuek ere bai) espero zuten gauzak arrunt errazagoak izango zirela. Baina jendeak ez ditu kaleak bete amerikarrei ongi etorria egiteko, eta ez dira amore ematen, milaka. Jendea egiten ari da denok egiten ari garen gauza bera, etxean egon, atea itxi eta itxaron bonbaren bat ez zaiela eroriko gainean. Horrelako gauzak idazten ditu Salam Paxek.
Zer dakigun Salam Paxen gainean
Nor ote, baina, Salam Pax? Eztabaida bizia sortu da bazterretan, eta batzuek zalantzan jarri dute benetako hiritarra ote den ala CIA edo Mossad espioitzako agentziek sortutako satorra.
Hala ere, zenbait gauza badakigu Salam Paxen gainean. Hona hemen, adibidez, Paul Boutin kazetariak zer idatzi duen honen inguruan:
- Salam eta Pax hitzek bakea esan nahi dute, lehena arabieraz eta bigarrena latinez.
- Salam Paxek dio konektatzen dela sarera Uruklink izeneko ISPren bidez, Irakeko gobernuak kontrolatzen duena.
- Salamen bloga ostatuta dago Santa Claran, Californian, Blogspot.com enpresan, eta horretarako erabiltzen du Blogger enpresaren softwarea.
- Gutxienez amerikar batek jaso du pakete bat Salam Paxek bidalita, Jordanian duen lagun baten bidez, Raed izenekoa.
- Behin baino gehiagotan frogatu du bere informazioa zuzena dela.
Ospetsu egin bezain laster, bere zerbitzaria pikutara joan zen, eta ez zen posible izan haren bloga aurkitzerik, ez dakigu blokeatu egin zelako edo baten batek apropos hondatu zuelako. Hori dela eta, bi egunean zehar Salamek ezin izan du idatzi.
Baina orain Google bilatzaileak sortu du haren helbide elektronikoaren ispilu moduko bat, jendea erraz sar dadin dadin haren egunerokoan. Izan ere, Sustatun aurreratu genizuen bezala, Google baita orain Blogspot.com enpresaren jabea. Salamek eskerrak eman dizkie enpresa biei, eman dioten laguntzagatik.
Weblogen eragina begibistan
Inork zalantzarik bazuen weblogen eraginaz, hemen ditu bi kasu aztergai, erakusten dutenak komunikabide dinamiko, bizi eta eraginkorrak direla. Bata da Sustatu bera, Egunkaria itxi zutenean, bera bihurtu baitzen erreferentzia nagusietako bat informazioa eta iritziak biltzeko. Bai euskaraz eta bai ingelesez. Eta bestea, Salam Pax, Bagdaden bihotzean.
Jakin nahi duzuenok zehatzago zer den weblog edo blog delakoa, hementxe duzue informazio gehiago.
Erantzunak
Lenny Kravitz musikari amerikarrak kantu bat grabatu du Irak-eko pop izarrik ezagunena omen denarekin, Kazem Al Sahir-ekin.
We want peace, bakea nahi dugu, horixe da izenburua. Rock The Vote guneak jarri du kantua sarean, eta orri honetan entzun edo lor dezakezu.
Salam Pax isilik, eta erasotzaileak beren blog propioak ateratzen...
Hor dabil L.T. Smash delako bat, edo Will izeneko reserbista bat...
Horra blogak biltzen dituen beste inbento amerikar kaki kolorekoa: www.sgtstryker.com , Stryker Sarjentuaren propaganda...
PUK (Kurdinstango Batasun Abertzalea) alderdi kurduak salatu du Iraken Armadak 500 kurdu labankatu dituela gaur goizean Hawi Jah herrian, Kirkuk hiritik gertu. Salatu duenez, atzo iluntzean Saddam Husseinen aldeko tropak Hawi Jah herrian agertu eta saiatu ziren konbentzitzen Jabbor tribuko kideak beraiekin borroka zitezen. Kurduek, ezetz, antza. Eta, mendekuz, gaur goizean 500 herritar hilik agertu dira, labankatuak.
Stuart Hughes kazetariak idatzi du honen berri BBC News zerbitzuak antolatu duen egunerokoan, baina adierazi du BBCk oraindik ez duela egiaztatzerik izan kurduen salaketa.
BBC News agentziak gaur bertan adierazi du oraindik ezin izan dutela egiaztatu atzo kurduek egin zuten salaketa, zeinen arabera irakiar soldaduek 500 herritar kurdu labankatu zituzten Hawi Jah herrian, Kirkuk hiritik gertu.
Ingelesek diote herri hori Iraken gobernuak kontrolatzen duen eremuan dagoela eta, horregatik, zaila egiten ari zaiela salaketa egiaztatzea.
Idazten baduzue Salam Pax Google bilatzailean, laugarren aukeran Sustatu aurkituko duzue, beste askoren gainetik.
Aldiz, ahalegina egiten baduzue Salam Pax berriemailearen blogean sartzeko, ikusiko duzue martxoaren 24a ezkero ez duela ezer argitaratzerik izan.
Gaur, gainera, jakin izan dugu amerikarren bonbek suntsitu egin dutela Bagdadeko telefono gune garrantzitsu bat. Beraz, telefonoa eta Internet gero eta nekezago izango dituzte hango bizilagunek.
Gaur Egun albistegiak irudi gogorrak erakutsi ditu bazkalostean, Turkiaren aldeko Kurdistanen grabatutakoak. Turkiako poliziek hauetako zenbait pistolak eskuan zituztela behin eta berriro ziharduten kurduak jotzen kalean eta haietako zenbait beribiletan eramaten.
Poliziek sumatu dutenean ETBren taldea irudiak grabatzen, haiengana jo eta trabak ezarri dizkiete, ez grabatzeko. Dena dela, euskaldunek gorde izan dituzte irudiak eta gai izan dira kronika hona bidaltzeko. Kazetaritza lanetan Andoni Arratibel ari zen.
salam pax horren web orrian sartu naiz.
Nabigatzailearen barra hartu eta gora eta behera ibili naiz argazkiak (bakarrik) begiratzen. Igelesa jakingo banu agian dena irakurriko nuke, baina ez dakit. Gehien gustatu zaidan marrazkia, ikusi dudan lehenengoa izan da. Irakeko koloreak, izarrak(irakiarrak ala besteenak?), eta New Yorkeko askatasunaren estatua...
Jaaaaaarrrrrr!
/cache/Udako-Ola-2024_1_small_content.jpeg)
Egunero egunkariak
ere atzo ekarri zuen artikulu txiki bat Salam Pax-en gainean. Hauxe zioen:
Bagdadeko herritar ezezagun batek Interneten idatzitako egunerokoa
erreferentzia bihurtu da gatazkaren bestelako segimendua izateko.
Mesedez ez bidali e-mail gehiago soil-soilik benetako pertsona naizen edo
ez galdetzeko. Sinesten ez badidazue, ez ezazue irakurri nire egunerokoa. Ni
ez naiz inoren aldeko propaganda tresna, propaganda hori neure buruaren
aldekoa ez bada?
Hitz horiekin erantzun zien ostiralean irakiar ezezagun batek bere
herrialdetik bertatik zein atzerritik jasotako mezuei. Bera, 29 urteko
gizonezkoa, itxuraz klase ertainekoa, gerra garaiko Bagdadeko berriemaile
ospetsuena bihurtu baita. Bere web orrian idatzitako egunerokoan hainbat
datu eta komentario zorrotz jarri ditu, komunikazio bide hau maite dutenen
gozamenerako. Salam Pax izenaren azpian Iraken azken sei hilabeteotan izan
diren gertakari garrantzitsuenak aipatu ditu gazteak, batzuetan modu ziniko
batekin: lehendakaritzarako bozak, NBE Nazio Batuen Erakundearen ebazpena,
arma ikuskatzaileen jarduera eta, noski, gatazkaren aurreko azken uneak eta
erasoa bera.
Ez da denbora luzea behar jakiteko Salam Pax-ek, anonimatoa gordetzen duen
izenak, bakea eta bakea esan nahi duela arabieraz eta latineraz,
hurrenez hurren. Horrek, baina, ez du argitu egunkariaren egilea benetan nor
den eta jakin-mina areagotu du irakurleen artean.
Salam Paxek errealismoz eta umorez islatu ditu Bagdaden kontrako
bonbardaketak hasi zirenetik hiriburuko herritarren kezka eta beldurrak,
haien egonezina erasoa noiz etorriko zain daudela, haien burua zaintzeko
neurriak: leihoak eta etxeak ahalik eta modurik txukunean babesteko uneak,
dendetan dauden ilarakS
Mossaden agentea? Saddam Husseinena akaso? Salam Pax misterioa da, eta
horretan segitzeko asmoa du. Ez ditu arrasto asko utzi nahi. Soilik
Mendebaldean egon dela (agian, Erresuma Batuan). Eta David Bowie maite
duela.