WindowsXP euskaraz kalean da
Dagoenekoz kalean da WindowsXPren euskarazko bertsioa. Elhuyar Fundazioak eta Uzeik egin dute itzulpena eta Microsoft-entzat egindako aurreko lokalizazioekiko baditu berritasun batzuk.
Sustatun lehen ere argitaratu zen moduan azken hilabeteetan aritu gara Elhuyar Fundazioa eta UZEI WindowsXP Service Pack1 euskarara itzultzen. Oraingoan bi berritasun nabarmen izan dira:
- Microsoftek hartu du lokalizazioaren kargu. Aurrekotan ez bezala Microsoft bera izan da euskarazko bertsioa (eta beste hizkuntza askotakoa) ordaindu duena.
- Sistema berri bat erabiltzen hasi da Microsoft: Language Interface Pack moduan bataiatu duena. Honen bidez, itzuli dena ez da Windows osoa, baizik Windows-eko mezu guztiak itzultzen dituen tarteko aplikazio bat. Horrela lortzen dute beraien sistema eragilea hainbat hizkuntzatan egotea, lokalizazio esfortzua txikiagoa izanik. Gainera, honek abantaila bat du euskararen kasuan: erabiltzaileek ez dute WindowsXP euskaraz erosi behar. Nahikoa da LIP hori Internetetik jaitsi eta gaztelaniazko bertsioaren gainean instalatzea.
Euskarazko LIP hemendik jaitsi daiteke. Itzulitako bertsioa WindowsXP ServicePack 1 da, baina Microsoft-en asmoa da SP2 ere lokalizatzea.
Office 2003 euskaraz
Hurrengo urratsa Office 2003 euskaratzea da. Horretan ari gara orain, eta espero da udazkenerako erabiltzaileen esku izatea. Kasu honetan ere LIP bidez egongo da eskuragarri euskarazko bertsioa.
Erantzunak
Ez al zidak, kopiatua dela detektatu ostean, ondoko mieltxoren bordan jarritako XPan atzeko-ate bat jarriko?
Ahh! Etzekiat, ezin kodea ikusi....
Hemen aralar inguruko artzaiok X-evian erabiltzen diagu. Nervioitik omen dator xixtema, nervioitik sarera! Ta saretik ne bordara.
...
Bihar edo iada, euskaldun zapalduok, Maiatzak bata !!
Artzaiok ez diagu sindikaturik...ezingo diat igaratza aldetik iristen ari diren oihatzun berriei erantzutera zuzenean joan. MayDay! MayDay! - zioen.
Ardiak jaso ondoren eta afaldu ostean banuen ezin egon bat. Ilargiaren itzalpean ezin amets harturik nere makiña pixtu det. Txindokiko haitzean bizi den Mariren wireless mugarrira batu eta mozilla bidez indymedian begiratu behar izan det zer den MayDay hori.
Pena ezin joana...baina... italiano hauek denetan pentzatu diate! krixton manifa montatu diate sarean. Ni 12379 garrena nauk 115 furgonetaren parean nitxek. Ondoko "to" jefe alu honek potroak ikutzen dizkit...baina musika ona :)
http://www.euromayday.org/netparade/index.html
Ala asustatus, amets onak!
Txindokira igotzean zaborra etxera eraman mesedez, gero ardiek zuen kaka jan ta ez didate esnerik ematen.
Bietara erantzun:
paxkual@aralarkobordatik.com paxkual@euskalerria.org
0.1
Instalatu eta itxura oso ona hartu diot.
Instalatzerakoan azaltzen dituen, gutxitan irakurtzen den hasierako testu horretan datozen, hutsuneez gain, beste bat ere aurkitu diot erabilera lehen egunean: sarekoetan sartu, sare propietateak ikusi eta hiru ataletatik bi daude itzulita, autenticacion atala gazteleraz dago.
Euskaratze lana eskertzeaz gain, bi galdera datozkit burura:
Berrikuntzak txertatu eta Akatsak konpontzen dituen bertsio berririk ateratzeko asmorik badago edo euskal W98 bezala berehala zaharkituko zaigu?
Hizkuntza ezberdinak erabiltzeko teknologia hau office 2003k ere baduela komentatu didate. Office euskaratzeko asmorik?
lehen espainolezko XP SP2 instalatuta nuen euskarazko LIParena ikusi bezain pronto instalatzera jo dut, Ze berri pozgarria! orain euskaraz eduki ahal izango dut nire XP maitea :-)
ondorengo egunetan Sasser gusanuaren erasoa etorri da eta horrek erabiltzen duen "sistemaren zuloa" tapetako microsofeko webgunetik partxea bajatu dut eta nire sorpresarako ez du uzten eguneraketa egiten sistemako hizkuntza bat ez datorrelako partxearen hizkuntzarekin :-(
Orain zer?
zelan eguneratu ahal izango dugu problema hori ematen badu?
Horretan pentsatu duzue?
ez nabil iñori errua botetan baina eguneraketetarako partxeak askotan urteten dira, eta gehienetan segurtasun eta egonkortasunari begira, eta bakoitzean LIPa desistalatu eta gero berriro instalatu bahar bada... esangoztezu :-(
ez dakit noren errua den baina badakit akats handia dela eta asko ez duela laguntzen.
> > zelan eguneratu ahal izango dugu problema hori ematen badu?
> > Horretan pentsatu duzue?
>
> Guk ez dugu horretan pentsatu, hori MSren ardura delako. Nire gomendioa: desinstalatu LIP, partxea instalatu eta ondoren berriz instalatu LIP. Ea horrela badabilen.
>
>
saiatu naiz desistalatzen baina ez dut inondik aurkitu zelan desisnstalatu behar den.
Baten batek badaki zelan egiten den?
eskerrik asko.
> > zelan eguneratu ahal izango dugu problema hori ematen badu?
> > Horretan pentsatu duzue?
>
> Guk ez dugu horretan pentsatu, hori MSren ardura delako. Nire gomendioa: desinstalatu LIP, partxea instalatu eta ondoren berriz instalatu LIP. Ea horrela badabilen.
>
>
Azkenean instalatzera animatu naiz! Haseran oso mesfidati nintzen baina zuen iruzkinak irakurri eta gero eman dut pausua.
Instalatzeko erraza da baina gauza asko geratzen dira gazteleraz. Adibidez, Kontrol-panelean atal batzuk soilik euskeratzen ditu.Zergatik?
Hori horrela geratuko da hala hobetzen joango da?
I. Explorer eta Windows Media Player ere euskaratu ditu. Baina nola jakin zer euskaratu duen eta zer ez?
Lan bikaina!! Zorionak egileei. Hortik da bidea!!
/cache/Udako-Ola-2024_1_small_content.jpeg)
Produktu hau aurrerakuntza bat da euskarazko informatikan, gure ustez. Eta uste dugu, gainera, neurri batean Linux izan dela honetarako giltza.
Aurrekoetan Jaurlaritzak ehundaka miloi ordaindu zituen Windows
euskaratzeko. Egoera oso txarrean gainera. Aparte erosi beharra zegoen,
ez zen erraza aurkitzea, garestia (normalean jendeak aurretik erosita
zuen eta, gaztelaniazko Windowsa), zaila (dena berriz instalatu behar
zen eta...) eta oso atzeratua gelditzen zena (Windows-en euskarazko
bertsioa lortu orduko, zaharregia zen jadanik)
Orain, internetera joan, 4MBtako fitxategi bat deskargatu, instalatu eta
LISTO!!! Windows euskaraz, doan eta 5 minutuan!!! eta gainera
eguneratuta, eta barnean Internet Explorer, Windows Media Player eta
abar eta abar...
Hor klabea izan da, gure uste apalean, Eusko Jaurlaritzak Linuxen aldeko apostua egin izana.
Linuxean ere horrela aldatzen dira sistemak hizkuntzaz. Fitxategi bat
deskargatu, instalatu eta listo. Microsoft-ek egoera nola dagoen ikusi
du, eta tori soluzioa oso denbora gutxian eta doan!!
Zorionak eman behar dizkiogu beraz, HPS-ri, Linux-en aldeko politika
hori eramateagatik.
Eta optimismo pixka bat ere bai, ikusirik behingoz euskal merkatua
interesgarri iruditu zaiola Microsofti, edo gutxienez errentagarri
ateratzen zaiola ahalegintxoa.