Gipuzkoa.net berritua
Gipuzkoako Diputazioak berritu du Gipuzkoa.net. Diseinua erabat aldatu dute eta horrekin batera irisgarriagoa egin dute webgunea. Hala ere, Mozillarekin ez da ongi ikusten.
Diputazioak dio erabiltzaile bakoitzak behar duen informazioaren bilaketa errazteko hobetu dutela webgunea, baita foru erakundearen eta gipuzkoarren arteko komunikazioa hobetzeko ere.
Zailtasunak antzeman zituzten erabiltzaileek behar zuten informazioa bilatzerako orduan. Horregatik hobetu dute. Lehen, orrialde nagusitik gaikako sailkapen baten bidez iristen zen behar zen informaziora. Orain, aldiz, lau erabiltzaile moten beharren arabera antolatu dute edukia: herritarrak, elkarteak, enpresak eta bisitariak.
Horiekin batera, orrialde nagusian albisteak, agenda, eguraldiari buruzko informazioa, errepideen egoeraren gainekoa eta beste hainbat lotura daude.
Mozillarekin estilorik gabe
Albiste ona da, dudarik gabe, Gipuzkoako Diputazioak bere webgunea hobetzea. Baina, badu bere alde txarra ere. Mozillarekin ez da ondo ikusten; estilorik gabe ikusten da.
Erantzunak
> Gipuzkoako Diputazioak berritu du Gipuzkoa.net. Diseinua erabat aldatu dute eta horrekin batera irisgarriagoa egin dute webgunea. Hala ere, Mozillarekin ez da ongi ikusten.
> Nik Mozilla Firefox 1.0 erabiltzen det Windows XP Sistema eragilearekin, ..., eta ez dut estiloa ikusten. :(
>
Nik primeran ikusten dut Mozilla Firefox 1.0rekin
(Windows 98ren gain)
> Mozillarekin ez da ondo ikusten; estilorik gabe ikusten da.
Bitxia da hori. Izan ere, Mozilla FireFoxekin primerean ikusten da.