Sustatu

Psikomotrizitate jardunaldiak

Fri, 21 Nov 2008 04:26:14 -0600

Aurten, X. Hik Hasi Topaketak prestatzen ari gara eta ikasturtean zehar ere, hainbat jardunaldi antolatuko ditugu. Lehena, azaroaren 28an eta 29an izango da, DONOSTIAN eta DURANGON, hurrenez hurren. "Psikomotrizitate Praktika Haur Hezkuntzan: Pedagogia koherente baten bila" izenburupean egingo dugu jardunaldia eta gurekin izango da, besteak beste, Carles Font Bartzelonako Unibertsitate Autonomoko irakaslea.

Eliseo Gil: Veleiako idazkunak benetakoak direla

Fri, 21 Nov 2008 01:48:02 -0600

Veleiako aztarnategiko indusketen zuzendariak, Eliseo Gilek, aurkikuntzen benetakotasuna defenditzen jarraitzen du. Langraizen egin zuen atzo agerraldia, ez zuen galderarik onartu, eta Veleiako iruzurra salatu dituztenen txostenak "iritziak" direla esan du, ez froga zientifikoak. Iruzur akusazio zehatzetan ez du esplikaziorik eman (Descartesen kasuan salbu), eta datazio berantiarrago bat proposatu du (horrek sortzen dituen kontraesan berrietan sartu barik).

Software librea Gipuzkoako administrazioan

Fri, 21 Nov 2008 01:25:33 -0600

"Software librearen eta kode irekiko softwarearen erabilpena Gipuzkoako toki eta foru administrazioan" da EB-Berdeak taldeko Ander Rodriguez-ek 2007ko irailean aurkeztutako eskaerari erantzunez, Gipuzkoako Batzar Nagusiek plazaratu duten txostenaren izenburua.

Euskara enpresan txertatuz, berrikuntzarantz

Fri, 21 Nov 2008 00:59:54 -0600

Ziurtagiriaren Elkarteak Euskaliten Kudeaketaren Kalitate eta Bikaintasunaren XIV. Europar Astearen barruan mintegia antolatu du Euskara enpresan txertatuz, berrikuntzarantz izenburupean. Bilbon izango da jardunaldia, hilaren 26an.

ENE sariketa: atzerrian euskara bultzatzen dutenentzat

Thu, 20 Nov 2008 01:54:42 -0600

Azaroak 27an bukatzen da Eusko Ikaskuntzak antolatutako ENE sarian izena emateko epea. Saria Euskal Herritik kanpo Euskara bultzatzen duten erakundeei zuzenduta dago.

Veleia: disparateen zerrenda

Thu, 20 Nov 2008 00:02:51 -0600

Veleiako ostraketan agertutako testu eta irudiak faltsuak direla ondorioztatu dute Arabako Foru Aldundiak deitutako aditu taldekoek. Ondorioz, Eliseo Gil arkeologoaren taldeari eta Lurmen enpresari Veleia ustiatzeko baimena kendu dio Diputazioak. Jarraian, atzoko txosten aurkezpenari buruzko kroniketan topatutako faltsukeriaren adibideetako batzuk (15.00etan eguneratuak gehikuntzekin).

Veleiako aurkikuntzek ez dutela oinarririk zabalduko du gaur Diputazioak

Wed, 19 Nov 2008 09:01:56 -0600

Gaur arratsaldean eman behar ditu Arabako Foru Aldundiak Veleiako aurkikuntzak ikertu dituen batzordearen txostena. Baina Lorena Lopez de Lacalle Kultura arduradunaren agerpena baino lehen, EITBk aurreratu du adituek baztertu egin dutela euskarazko idazkien antzinatasuna, eta aurkikuntza batzuk faltsuak izan litezkeela ere uste dutela. Prozesu arkeologikoan "zehaztasun falta" eta "manipulazioa" egon dela ere ba omen dakar txostenak.

Interneteko liburutegi digitalak: diseinua eta ustiatzea

Wed, 19 Nov 2008 05:57:11 -0600

HAP masterraren programaren barruko hitzaldia (gaztelaniaz), Rafael Carrascoren eskutik. Azaroaren 24an, astelehena. Arratsaldeko 4etan. Korta eraikinaren areto nagusia. UPV-EHU. Donostia.

ForoKoop jardunaldia: generoen berdintasuna kooperatibetan

Wed, 19 Nov 2008 00:51:21 -0600

ForoKoop, eztabaida kooperatiboaren foroa, aurreko urtean jarri zen martxan eta honen urteurrena ostegun honetan, Azaroak 20, ospatuko da Bilboko Euskalduna Jauregian. Gaia generoen berdintasuna kooperatibetan izango da.

Internet Zuretzat jardunaldiak herriz herri abenduan

Tue, 18 Nov 2008 05:58:29 -0600

Internet Zuretzat jardunaldiak Eusko Jaurlaritzak antolatu ditu, eta herriz herri egingo dira, Arabako, Gipuzkoako eta Bizkaiko hainbat ikastetxetan. Araban eta Gipuzkoan, abenduaren 1etik 4ra; eta Bizkaian abenduaren 15etik 18ra. Interneten aukerak helduei azaltzea da helburua.